الربح
من ادسنس من خلال ايه ؟ يا مواقع يا يوتيوب , حدد الاول انت عاوز تشتغل
فيه , نقول انت هتشتغل في مواقع , يبقي الاول لازم تبحث انت هتعمل موقع ايه
و تحط لنفسك خطه انك هتتعب فتره علي ما موقعك يبدء يسمع و يدخله زوار ,
طيب انا لقيت ان في تخصص عليه عمليات بحث كتير شهريا و انا بحب المجال ده و
هعرف اكتب فيه محتوي , تروح عامل الموقع و تبدء تظبط سيو داخلي و بعدين
تصميم خفيف و تهتم بان الموقع يكون مظبوط علي الموبايل و التابلت لان جوجل
شددت الفتره الاخيره علي ده , وتبدء بوضه محتوي للموقع , ثم تروح تعمل
للموقع صفحات في المواقع الاجتماعيه المختلفه فيس بوك , تويتر , جوجل بلص ,
تمبلر , بن ترست , و تهتم انك مش تحط 1000 موضوع في يوم و تقعد شهر مش
بتنزل , لا انت مطلوب منك حتي لو موضوع واحد كل يوم بس تستمر علي كده كل
يوم بدون انقطاع , والموضوع يبقي مش اي حاجه بتنزل لا , لازم يكون عنوان
عليه بحث حد بيبحث عنه محتوي جيد تهتم بالتاجات H1 H2 H3 , تهتم بالكلمات
الي انت هادف انك تستحوذ عليها في الموضوع , وكل ما تنزل موضوع تنشره في
المواقع الاجتماعيه و واحده واحده هتبدء تبني قاعده من الزوار في المواقع
ديه , والله انت مستعجل يبقي تعملك حبه اعلانات مموله علي الفيس او علي
جوجل ادواردز بحيث انك تسحب زوار من مصدر مع تنزيلك لمحتوي جيد هما هيعجبهم
المحتوي هيدخلوا الموقع باستمرار , وهكذا فتره بعد فتره موقعك هيبدء الناس
الي بتدخل تنشر لينكاته بشكل طبيعي و يبدء يبني باك لينك لوحده كمان و
هتبدء تطلع في النتائج و تلاقي زوار يضغطوا علي الاعلانات يبقي في ارباح ,
فانا ركزت علي مين الاول ؟ ركزت علي اني ابني موقع صح و افيد الناس الي
هتدخل موقعي و في النهايه عاد الامر عليا بالربح المادي من ادسنس , طيب انا
مش عاوز اشتغل مواقع انا هشتغل ( يوتيوب ) , متروحش تعملي بقي زي ما الكل
بيعمل يدخل علي اي قناه يحمل فيديوهات منها و يرفع و يجي يقولي انا رفعت 2
مليون فيديو و مفيش مشاهدات , ما هو طبيعي مفيش مشاهدات ما انت حاطط فيديو
موجود في مية مكان قبل كده , طب اعمل ايه , الاول لو انت برنس و دماغك
متكلفه تتعمل افتر افيكت او اي برنامج مونتاج و جرافيك جيد مع شويه افكار
من دماغك و تبدء تعمل فيديوهات مجمعه تجمع من هنا علي هنا علي تدخل كلام من
عندك , تصور فيديوهات لنفسك انت كوميديه سياسيه تصور حاجات في الشارع تصور
اماكن تعمل حاجات حصريه شوف التريند ماشي ازاي شوف الناس بتبحث عن ايه و
هات ليهم الحاجه و ابني مشاهد مستمر ليك , مع لو عندك صفحه علي الفيس بوك
فيها عدد جيد من المعجبين هيساعد انك تجيب زقه للفيديو الي عملته و الناس
الي دخلت هيا لو عجبها الفيديو هتنشره من غير ما تقولهم ولا هتحتاج باك
لينك ولا خلافه مع طبعا مهم جدا السيو الداخلي للفيديو من اختيار عنوان
جذاب و يكون عليه بجث , صوره مصغره تشد الي بيبحث عن فيديو معين , الوصف
يبقي فيه كلام كتير ليه علاقه بالفيديو , كلمات دلاليه عن انك تحط نفسك
مكان الي بيبحث هو بيبحث عن ايه و هيكتب ايه في خانه البحث و تحدد القسم
الصحيح الي ينزل فيه الفيديو ( التصنيف ) و اهم حاجه انك تبني مشاهد ,
وربنا يوفقك
